Marianette Amper

Sa bayan ng Maa, Davao may isang batang gumawa ng isang bagay na nagpaiyak sa akin. Si Marianette, anak ng isang karpintero, ay nagpakamatay dahil sa lubhang kahirapan.
Sa kanyang mga sulat hiningi nya sa Diyos na tulungan siya at kanyang pamilya na maiahon sila sa kahirapan. Sinabi din niya na hindi siya makapasok dahil wala silang laging pera para pambili ng pagkain at pamasahe.

Simple lang ang hiling niya, sapatos, damit, bag at bisikleta para makapasok sa eskwelahan.

Sa pangyayaring ito, si Marianette ay nagbigay sa atin ng isang matinding pahayag: ang matinding gutom at kahirapan ay nasa ating bansa. Anumang pagtatakip na gawin ng pamahalaan sa pagsasabing bumababa na ang bilang ng mga mahihirap ay kabaligtaran ang nagyayari sa tunay na buhay.

Kapag ang gobyerno ay walang kahihiyan sa pagsangayon sa pamimigay ng pera sa mga congressman habang maraming pamilyang Pilipino ang walang makain. Panahon na para dumalangin tayo na bigyan tayo ng sapat na lakas ng loob upang harapin ang dilim ng pangaapi.